Ang talulot at ang liwanag/liwanag!

Ang talulot at ang liwanag
ni marco liwanag

sa gitna ng hardin nitong lupang silangan
hardin na kahalintulad ng edeng pangarap
doo'y mayroong masasamyong halimuyak
sundan mo't ito'y patungo,sa musang tahanan.

ang musa doon kung iyong pakinggan
bawat awit niya may panlunas na taglay
anupamang bigat o sakit napaparam
makinig lamang maigi sa bawat nyang tayutay.

princesa talulot tanyag niyang pangalan
ito ngang musa na sa hardin nananahan
maging mga dayuhan,kung siguro'y mapadpad
tiyak kong hahanga kung si talulot mamasdan

ng bigla,bumugso ang isang alikmata
bumaha ang liwanag pinukaw ang madla
napansin kaagad itong kahanga-hanga
musang sa husay ay kaiga-igaya

saglit at itong binatang liwanag
tinawag ang plautang sa langit nahiram
tumugtog ng mga masasayang kundiman
at nakisaliw sa tugtugin ng musang mahusay





















Liwanag!

ni princesa talulot ( sanilyn gianan )


at salamat naman. natapos na

ang hiwaga ng aking kamakata;



lundayan nga itong espasyong aba

para sa pluma ng mga musa

at ipairal ang liwanag na di

masasakop ng dilim.



dahil sa angkin niyang galing

talagang mabibihag lahat ng nimpa

ng eden at birhen ng mga hardin.



trumpeta'y mag-ingay

tambuli nagpupugay

at ang palasyo'y

lalagyan ng palamuti't himno

selebrasyon ang matatamo

sa paghahangad niyang mabuo

kinang ng kanyang berso

kinang ng kanyang puso..



at talagang tutubo ng tutubo

mga tayutay ng talulot

na nabusog ng liwanag

na sa kanya'y naging panatag!





mabuhay marco.









--salamat kapatid na sani sa isang ito!