Tulang panagot 4

Piyesta
August 11, 2009 by ham8113

Hindi nakaligtas ang caviar

sa mata ng mga sanay-sa-bagoong-na suki

ng karinderya. Ang may-ari

gayundin ang humindig; nagdidildil



ang mga parukyano niya sa budget meal

ay nagpapasasa sa Le Cirque

ang pangulo, kasama ang mga kaalyado,

at si Dom Perignon, siguro.



Habang ang bansa ay nagtitiis

at nagluluksa sa libing ng kanyang

mortal na kabaligtaran. Hindi

kailangang maging arkanghel



upang maintindihan ang usapan

sa hapunan. Malamang ay papuri

sa mga tauhan ni Wilde sa wikang

Pranses, maiba-iba naman nang konti.


----> marco

siguro katoto,halina tayo’y maupo
pag-isipan natin ng lubos at totoo
habang sila’y lasing at nagkakagulo
tayo’y kikilos; pagtutulungang ipangko
hanguin nga natin ito sa pagkakasukol
sa tiiising pinagdudusahan magpahanggang ngayon
ng bayang hilahod na’y patuloy pang nilulumpo.


http://www.emanilapoetry.com/writersgroup/index.php/piyesta/

Tulang panagot 3

Nasa Langit ang Harayang Walang-hanggan

April 13, 2009 by Ezzard R. Gilbang


May *haraya na iginuguhit
ang mga bituin.

May harayang sumisilay
Sa mukha ng buwan.

May harayang binubuo
ang kimpal ng mga ulap.

Kahit katanghaliang tapat
may haraya sa matatalas na sinag

Saglit man na bulagin ng araw,

sa iyong pagpikit
magsasayaw sa balintataw
ang haraya ng liwanag.

*imahinasyon


----> Marco

sagitsit ng tuwang nanulay sa dibdib
malayang awitin sa hangin naririnig
tugon ng puso sa galak di’y aawit
awit ng makatang mayroong panimdim.

http://www.emanilapoetry.com/writersgroup/index.php/nasa-langit-ang-harayang-walang-hanggan/



Tumalon ang Imahen
April 14, 2009 by Ezzard R. Gilbang


Anim na talampakan

ang taas ng konkretong imahen

na inilalabas sa isang bukas na balkonahe.

Taon-taong inilalabas

sa tuwing sasapit ang kapistahan.

Nakatungo ang imahen.

Tinutunghan ang mga naglalakad

sa ibabang daan na nayuyungyungan

ng konkretong beranda na may labinlimang

talampakan ang taas.

Taon-taon itong ginagawa ng may-ari.

Taon-taon, sa tuwing pista.

Ano’t ngayong araw ng kapistahan,

nahulugan nito ang isang batang babae.

Na dagling namatay.

Sabi ng may-ari: Naghimala ang imahen!


----> marco

Sampung demonyo sige sa kakatawa
panay sa ang halakhakang nakakasuya
paano’y andun na naman itong tanga
asa sa milagro ng diyos na nililikha

ngitngit ng langit di inalintana
sa dugo ng musmos na nabubo sa lupa
milagrong antay, nangyari’y trahedya
Ayan ang himala ng imaheng tanga!

KAkaInis! ba’t ba bulag ang madla???

http://www.emanilapoetry.com/writersgroup/index.php/tumulan-ang-imahen/


Sa *Tuklong
April 13, 2009 by Ezzard R. Gilbang

Nagkakagulo sa baryo,
marami ang nagtataka,
dahil nawala ang santo.

Kagagawan ng demonyo,
ang sabi ng nananata,
nagkakagulo sa baryo.

Pintakasi’y nagtatampo
ang sabi ng nagtitika,
dahil nawala ang santo.

Kaya’t magtayo ng bago,
o lumipat ng kapilya.
Nagkakagulo sa baryo.

Kasunod nito ay bagyo,
o sumpang iba’t iba
dahil nawala ang santo.

Ay! Puno ng amorsiko,
lumabas isang umaga!
Nagkakagulo sa baryo
dahil lumitaw ang santo!

* bisita, kapilya

----> marco

Sa aming bayan palasak yang kwento
ng nagmimilagrong santong negro
mga engkanto,maligno’t,demonyo
sa kanya raw ay takot nagyuyuko pa ng ulo
kaya pala nagkaganoon baranggay namin katoto
sa takot sa negro napuno ng maligno
engkanto sa dilim naglisaw sa kanto
pati mga demonyo,naroon sa gobyerno.

ayos!


http://www.emanilapoetry.com/writersgroup/index.php/sa-tuklong-2-2/




isa sa mga iniidolo kong manunula si ka ezzard gilbang

DRAWINGS

Tulang panagot part 2

Tinta
ni sanilyn gianan

bakit nanghihinayang ako?

sa dumi ng tinta sa iyong baro

nagkalat-kalat ang itim

sa kanina lang puti mong kwelyo.



bakit gusto kong linisin

ang mga papel na buringisin

na tangan mo sa mesa

simula umaga 'gang takipsilim?



bakit kasi ako ang maayos

sa magulo mong mundo

at ako ang tuwid

sa baliko mong isip.



ngunit di ko maikakaila

na sa iyong tula, napaibig.

kahit walang kanin ang maabot

sa aking bibig.



at kahit magkagula-gulanit

ang kwarto mong maliit

sa pagsusulat ng mga musa ng pag-ibig

dahil doon may hininga ka, may tinatagumpay pilit



kaya't isasalansan ko pa rin

mga papel na tangan ang iyong obra

tatanggalin ang patak ng tinta sa damit

ngunit hinding hindi ang tinta ng iyong pag-asa

na bukas makalawa

malilimbag sila

at mapapasaiyo rin ang Palanca.


----> Marco

pangarap kahit na mapasa rurok pa man
nung mataas na ulap na tinatanaw
walang pasubaling kayang magagap
buong loob lamang ang ating kailangan

salamat may tulad mong nakauunawa
sa tulay na binubuo ng manggagawang makata
na nakakakita ng walang maliw na ligaya
sa likod ng dilim naroroon ang laya

sarap siguro makapag asawa ng makata ano?? hehehe

tula ng tula sabi ni tata




Wish ko lang
ni guru pitka (fw member )

Hiling ko lagi ang mapasaya ka

walang ibang iniisip kundi ang madulutan ka ng tuwa

Biloy sa iyong pisngi, ngiti sa iyong mga labi

Inaasam kong makita sa ‘yo yan palagi



‘Yoko nang maranasan mo ang sakit mung nadama

Di ako papayag na ang pagluha ay muli mong matamasa

Di na mangyayari sa yo ang ginawa ng ex mo na walang kwenta

Andito na ko, ang sa iyo’y laging magmamahal at mag-aalaga



Sa totoo lang hindi ko alam ang aking gagawin

Hindi ko din alam kung paano ko uumpisahan

Kaya ko bang ang hapdi at kirot sa puso mo ay alisin?

Yan ang tanong na lumilipad sa aking isipan…



Ang alam ko lang mahal kita, ikaw ang laman ng puso ko

Kung bubusisiin ito, makikita mo ikaw ang nasa loob nito

Pumikit ka man, tiyak mararamdaman mo

Pagmamahal na wagas, yan ang alay ko sa iyo



Ako ang magpapahid ng luha sa iyong mata

Magpapagaan ng pakiramdamdam mo sa tuwi-tuwina

Di ako titigil, di ako magsasawa hanggang makapag-move-on ka

Hanggang makalimutan mo na siya at sabihin na "Ako'y O.K. na!"



Hindi na ako mangangako bagkus gagawin ko na lng

Hindi ito mapapako, ipaparamdam ko na lang

ang pag-ibig ko sa iyo na tapat at totoo,

Sana ngayon ay tanggapin mo….



----> Marco

basta ang pagsintang tapat at totoo

pag iyong pinairal sa puso mo katoto

hayaan mo ano man maganap sa mundo

tiyak tagumpay ang makakamit mo

at kung hindi man dumating ang matamis na sandali

at itong iniirog mo'y di ka ata mapansin

hayaan mo nakikiramay sanlibong taong langit

iluha mo't didinggin ka maghuhulog ng pamalit


----> guru pitka
SALAMAT SA LIWANAG


salamat at naramdaman mo aking daing

naintindihan ang nilalaman at ang gusto kong iparating

sana tagumpay nga ang aking makamit

para mafeel ko ang langit..

para maramdaman ko na ako'y nasa alapaap

at magkaroon ako ng buhay na walang humpay sa sarap

sana magkatotoo, eto ang aking pangarap

upang siya na ang makasama ko sa hinaharap....


---- pasintabi kay guru pitka sa pagkakalathala nito dito

Tulang panagot part 1

istasyon 1
ni princesa talulot

--isang tula sa filipinowriter blog na nakatuwaan kong sagutin

sumang-ayon na ako,

sa pagkawala mo

NGUNIT ipinilit mo pa

ring bumalik sa

istasyong ito

ng walang dalang maleta,

walang dala



-kundi poot

at paninira..



mas matalim ang dila

kaysa sa punyal.



mas marami pang magbabaon

ng balaraw na putol

kung mananatilika ngayon.



Doon ka nalang sa inyong nayon..



magpakahinahon.



ngunit ngayon walang pasubali

kong hihilingin, bago maghimagsik,



"WAG KA NANG BUMALIK!"




----> (marco)
sandali't ating pakaguluhin
bago maghimagsik ang inisin;
musmos na batang iyakin
halika dito at may kakanin

heto si inday na buslo'y butas
sahod ang palad ng dalawang kamay
ano kayang nag-aantay bukas
sa istasyong sa pakiwari'y karo ng patay!

ayun si kaka hehehehe!!!!
magulo ata kamakata!


---->(talulot)
salamat naman at bumalik

isang binata

pagkamakata ang hilig

salamat sa panandaling

patigilin sa iyak

ang neneng gustong kumain ng

kakanin...





(pero mas gusto ko ang pisbols at palamig..)


----> (marco)
salamat naman at bumalik

isang binata

pagkamakata ang hilig

salamat sa panandaling

patigilin sa iyak

ang neneng gustong kumain ng

kakanin...





(pero mas gusto ko ang pisbols at palamig..)


----> (talulot)

sa'yo aking katoto

ang pagdaan mo'y di nakakapagpabigo

paraan mong magtampisaw

sa sa tulaang nais humiyaw.

salamat sa pagtahan

panulaan mo'y nakagagaan.



sige kwek kwek din... =)
















rhea,tanaga din ba??

Buksan ang telebisyon
Umupo sa maghapon
Nangangating ilong
‘Pakamot sa katulong.

Dumulog na sa mesa
Ulam ay kaldereta
Hindi pa dumidighay
Ini’sip ng meryenda.

Sindihan’g sigarilyo
Philip, More o Marlboro
Ibuga’y hugis-puso
Ang sarap ng buhay mo!

Katapusan ng buwan
Pumunta sa bayan
Mag-widrow sa bangko
Salamat sa OFW.

Kawawang Asawa
Labis ang pagalala
Perang ipinadala
Kinulang pa kaya?

Kumakain mag-isa
Ulam ay pagdurusa
Umiinom ng luha
Nabusog ng pag-asa.

Tumunog na cellphone
Dibdib ay umaalon
Mahal na asawa
Binuntis ng katulong.












----> (MARCO)
aba'y biruin mo ito'y kahanga hanga

maiging ipalakpak itong kamay sa tuwa

sa tanagang mahusay na naipasa

si liwanag talagang napapatanga

----> (JOURNEYMAN)
Ang galing, ang galing!
Munting liwanag ko’y napansin
Ngunit kung ihahambing
Sa liwanag mong angkin
Ang sa akin ay bitin.

Salamat sa pagdaan at pag-ukol ng panahon sa aking munting nakayanan...












Tanagang Para Sa 'Yo
ni sofia (fw member)

Kasing-liit ng kuto
Tingin ni Kadyo sa’yo
Lagi ng nabibigo
Minimithing respeto.

Pagkutya at mura nya,
Ika’y nawang-nawa na
Puso mong umaasang
Bukas magbabago sya.

Puso ay ipahinga
Puso mong nagdurusa
Halika at magbasa
Nakayanang tanaga.

Kalimutan mo na sya
Humanap ka ng iba
Habang may respeto ka
Sa sarili mo,Nena.

Hangad ko sa yo twina
Walang hanggang ligaya
Iyong makamit sana
Nang ikaw ay sumaya.

Nagbabakasakali
Sa tanaga mawili
Yung buraot mapawi
Mapalitan ng ngiti.


----> (marco)
tuloy lang sa paggawa

ng tanagang katuwa

diwa'y aliwing lubha

malugod at matuwa



mapuno man ng lungkot

at hilahil ang mundo

hindi tayo susuko

makatang narahuyoYell





sikat ang tanaga dito sa FW ah hehehhee


----> (sofia)
salamat sa pagdaan,
tanaga ko’y nasilayan
akin lang sinubukan
kaalamang natuklasan.


----> (marco)

tuloy sa tanaga:

at siguro nabatid
itong hiwagang hatid
bagong kaalaman mo
ay nawa pagyamanin.


tulang sagot:


halika't ating tunguhing maagap
kahiwagaan nitong ating kakayahan
mapaglapit ang lupa,langit,kalawakan
sa yamang busiksik yaman ng diwang taglay!

kakayahan natin ay lubos kakaiba
kayang abutin kahit yaong mga tala
ipaliwanag ang sidhing nadarama
luha'y kayang pabukaling masagana

at kung dugo at pluma'y nag-isa
sa pagnanais ng diwang malaya
iyo ngang isatitik bubukal ang hiwaga
resulta'y lubos na kahanga-hanga


----> (sofia)

Wala ng masasabi pa
Sa iyong pagiging makata
Lahat ng sagot mo'y patula
Pati tuloy ako'y napapatula.

Hihihi...nakakatuwang aliwin ang sarili sa paggawa ng tula.












Mahirap Magmakata
ni geneva1027 (fw member)

(Mata ay nagmamasid
Sa buong paligid
Nagbabakasakaling
Mayroong masambit.)

----> (marco)

sandali mong ipikit ang iyong mata
ang daluyong na sa dibdib madarama
kapag naapuhap wag hayaang makawala
gagaping mong maigi't aanihi'y tuwa
tula'y maisasalin mapupuno ka ng tuwa.

~---> isa pang tula sa mga blog ng filipinowriter site na napagkatuwaan kong sagutin (pasintabi po kay geneva)

Kapalit Ng Dolyar
ni kapatid na journeyman


Sa Taiwan ay may
Titser
na naghihintay
naghihintay
sa bilangguan
ng kanyang kamatayan
kanyang kamatayan.

Noong isang linggo naman ay
may binitay
binitay
sa Saudi Arabia
Tatlo pang Filipino
ang naka-linya sa bitay
sa bitay
at tatlo rin ang may
sampung taon na sintensya
sampung taong
sintensiya.

Ito ang mga trahedya
na sinusuong
trahedyang sinusuong
ng mga Filipino
na nangingibang bansa para magtrabaho
mag-trabaho.

Ang hirap sa kanilang kalagayan
hirap na kalagayan
wala kang kalaban-laban
wala kang kamag-anak
wala kang mga kaibigan
na tutulong sa iyo
walang tutulong sa iyo.

Ang dami ng nakaka-bagbag
nakaka-bagbag na damdaming
kuwento
ng ating mga kababayang OFW
OFW
ngunit ang nakakalungkot
nakakalungkot
kahit ganun ka miserable ang buhay nila
miserable ang buhay nila
ayaw nilang umuwi
dahil mas mahirap ang buhay
mas mahirap
ang buhay
mahirap ang buhay dito.



----> (marco)
sa kalansing ng salapi
ay natutok na lang
itong pandinig ng mga hibang
gobyerno nating akala'y yaman
ang pagdating sa atin ng santerbang dolyar
ikauunlad daw nitong kababayan
at ng masang hilahod na sa kagagapang
un nga lang itong mga palalong dayuhan
kababaya'y inalipin,inaba pa ng lubusan
kababayan nating ang mata'y luhaan
may maipakain lang sa mga minamahal.


























ULIRAT ni paul roquia

pumikit.

umidlip.

dumilat.

ulirat.

pumikit.

umidlip.

dumilat.

ulirat.

pumikit.

umidlip.

dumilat.

ulirat.

humikab.

inantok.

pumikit.

umidlip.

dumilat.

ulirat.

pumikit.

dumikit.

binangungot.

patay.



----> (marco)
Patay na???

kung bakit pa kasi mata nitong antukin
di magkasya sa pananatili
sa mundong katotohanan ang syang hain
maskit nga lang sa dibdib kung iisipin.

inakupoooooooooooo!!!!!!!!!!!!!!!

























Ito pala ang Kilig*
ni mary jane grueso (fw member)


he he...

akala ko'y isa ka lamang

kathang isip

na binuo ng mga makatang sinauna

o ng mga taong

mabababaw.

kung ganun,

mababaw rin pala ako.

he he..

di ko naisip na

maari ring ako'y maging biktima

akala ko,

ang meron ako'y pusong bato

na kahit si brad pitt

ay di makakayang tiktikin

ni mapapipintig ng mga ngiting piolo.

he he...

sabi nila bading daw si piolo

kahit na, gwapo pa rin siya

saka natalo naman

ang mga titik ni lolit solis

kaya pwede pa ring

pagpantasyahan ang ngiting piolo

pero ni minsan di ko naisip yun.

he he...

akala ko hanggang edad kim chiu

lang ang pwedeng tamaan,

ang pwedeng lumundag-lundag

ang puso na para bang

sasabog, pero di naman

na para bang mabigat

pero di naman.

he he...

ganito pala yun,

mahirap ipaliwanag

pero masaya, kahit walang nakakatawa

ngingiti-ngiti kahit walang kausap

parang baliw pero hinde naman

parang nanlalambot

pero di naman.

he he...

ang gulo, pero masaya

sana tumagal, sana nakatokan na nga

ang puso ko na dati

di natitinag, independiente

akala ko'y tama lang

kumpleto na, di kailangan ang kilig

di pala.

he he...

masaya pala

kahit mahirap ipaliwanag,

kahit bukas maaaring mawala

at mapalitan ng paghikbi,

pero okay lang

basta naranasan ko minsan

ganito pala ang kilig.

he he...


----> (Marco)

ALA CGE

aba't ang nene ng matutong umibig
di ata mapigilan pitlag ng puso sa dibdib
hinahon di magawa kapag palapit
sinisilayang sinta sa kanyang paningin
ano ba't nahuhulog ata sanlibong bituin
paligid napupuno ng bulaklak pang hardin
umuulan ng mga niebe kahit di taglamig
giniginaw ng di malaman ewan nga ba kung bakit?


----> (mary jane grueso)

he he...

bakit nga ba? di ko rin alam

ang sagot talagang mahirap hagilapin

lalo na kung di naman nakikita

ni nahahawakan...

mahirap talaga pag damdamin

ay di sinadya pero nadadamay
























Manong Tsuper ng Traysikel
ni rhea stone


Ito ang kwento ng isang damsel

na sumakay ng traysikel:



Minsan may pumarang damsel

na may dalang mabigat na bundle

kay Manong Tsuper ng Traysikel.



"Manong, d'yan lang po sa may chapel,"

ani damsel, "magtitirik lang po ng candle."



"Brrrrrroooooommmmm!" ang brattle ng makina ng traysikel

habang umiikot ang wheel at axle.



Hindi pa nakakalayo ang kanilang travel

nang "Prrrrrrrrrtttttttt!" ang tunong ng whistle.

Pinahinto ng pulis si Manong Tsuper ng Traysikel.



"Asa'n ang lagay mong nickle?"

pangongotong ng pulis na sobrang cruel.

Para maiwasan ang quarrel at hassle,

binawasan ng kawawang tsuper ng traysikel

ang kinita niyang nickle.



Pagkatapos ng scene sa pulis na sobrang cruel,

tumuloy na ang damsel sa kanyang pagtatravel.



Biglang bumuhos ang drizzle

at nagpawobble-wobble ang traysikel.



Lumusot ang gulong sa mga puddles

kaya kailangang humawak nang mabuti sa handle.



"Saan na ba napunta ang pondong pambili ng gravel?"

bulong ni Manong Tsuper ng Traysikel.



Huminto ang drizzle,

nagpatuloy ang kanilang travel.



Pagkatapos ng lahat ng hassle,

dumating din sila sa chapel in fine fettle.



"Magdarasal na rin ako at magtitirik ng candle,"

sabi ni Manong Tsuper ng Traysikel.



Sa loob ng chapel,

buong taimtim na nagdasal si Manong Tsuper ng Traysikel:



"Diyos ko, wag namang tumaas pa

ang presyo ng isang barrel ng diesel.

Dahil kung tataas pa,

sa sobrang little ng kinikita kong nickle

ang maipapakain ko sa pamilya ko ay puro na lang noodles."



Ang dasal naman ni damsel:

"Pakinggan N'yo po sana ang dasal

ni Manong Tsuper ng Traysikel.

Tapat siyang nagbabanat ng muscle

sa kabila ng kita niyang very little.


----> Marco

Bahala na,kainis

aba't ang galeng naman nitong damsel
nakilala ang pagod ni mamang drayber
ilan pa kayang katulad ni damsel
ang may concern para sa kawawang little
pobreng drayber ng ating tricycle.

kung ang buwaya'y dadami sa highway
mag-aangas lagi at magiging cruel
ay inakupo! mhabaging heaven
pakisipa nga sila my god na mahabagin
at sabihin sa hell i-lock sila't panatilihin


i kick their ass kung ako naroon
bahala na kung may baril silang kakatakot
aba'y nagwowork na nga ng maayos
kababayang little na laging kapos
tapos mangongotong pa ay sus ginoo!!


---->rhea

Eto na po ang sagot ng konyotiks na damsel:



Kahanga-hanga naman itong si Ginoong Knight,

Handa siyang magkipag-fight at gawin ang right

Kapag na-sight ang pulis na impolite

Tutulong kay Manong Tsuper sa kanyang plight.



Lalaban with all his might,

At hindi magpapatalo sa kanyang fright!



Marco Liwanag, isa ka talagang light

Ilawan mo kami, bukas ay gawing very bright

Ikaw ang delight sa madilim na night.

Basta write ka lang nang write, alright?

napagkatuwaan lang (hehe)

ANG AKINg Tita Em kasama ni INAY

Ang bulag at ang ewan

ALALA NAMIN KAY KA EZZARD

Noong kagagaling ko pa lang ng langit :)

Sa ating tagpuan

Sa Ating Tagpuan
kolaborasyong tula ko at ng aking mahal na si cristina casacop









Habang naglalakad ako'y nag-iisip,
Ang ikaw'y masilayan, ako'y nananabik.
Ating pagmamasdan ang paglubog ng araw
Ikaw at ako sa bukas ay nakatanaw.

Panay na ang tingin sa kamay ng relo
Hinihintay ko, muli mong pagparito
Ating pagsasaluhan itong hain kong;
Pagsintang nagmula sa ubod nitong puso.

Pagkabog nitong dibdib unti-unting bumibilis
Mga ngiti sa aking pisngi’y hindi na maialis
Tinig mong malamyos muli na namang maririnig
Ang kasiyaha'y nag-uumapaw sa akin ng labis.

Kaya’t ako ay maagang sa dako ay dumating
Sa kasabikan sa iyo’y lalo akong nahuhumaling.
Ngunit aking mahal, ikaw ay nasaan?
Bakit kaytagal mong dumating sa ating tagpuan?

(August 18, 2009)

Lambingan

tunay nga na walang wakas ang pag-ibig na matimyas
ang kapangyarihan nito'y di matalos kahit pantas
ang magsikap tumuklas sa lubos niyang lakas
marunong na tao'y tiyak na uuwing nababantad

sa mga ngiting maiinam, ay kakayaning magbukas
ng langit para man lamang itong liwanag magtanghal
itaboy ang kadilimang humahadlang sa pag-asam
sa ubod at kalubusan ng ligayang makakamtan

bumubukal sa makata'y matlaludtod na
kalaliman ng damdami'y hinukay ng buong sigla
naroroon natagpuan bulaklak na magaganda
na sukat'sapat pang-alay sa dalagang sinisinta

mang-aawit ng makita sa halamanan ang nimpa
naghiram sa makalangit ng instrumentong dakila
alpa na hawak tinugtog ng pusong may paghanga
sa nimpang agad din namang nagsayaw sa pagkatuwa.

sa gunita'y di mawala dalagang labis ang ganda
kaya itong manlililok nakaisip na gumawa
idibuho ang imahe ng iniibig na musa
resulta'y kahanga-hanga sa harapan nitong madla.

ang paligid ng pintor binahg-hari ang kulay
ng mamasdan ang dalagang may matang mapupungay
paleta't pinsel nagtulong magkaroon katuparan
larawan ng nililiyag iguhit ng buong husay

o lubos na dakila saan man natin isipin
pagpumasok ang pag-ibig sa hilagyo't sa damdamin
babagtasin maging langit dagdagan mo't kukulangin
di-hutukin maging ang sa di-malirip pangyarihin.

If i dream of you tonight

Bound for years in this constant illusion
craving for your figure of divine perfection
my soul was drowned in complete obsession
only your pulchritude are my sole solution.

I am a devotee of your exquisite beauty
fascinated in every gait you made so dainty
i love the way you smile so sweetly
humbly, i submit myself on your majesty.

the silence of the night was deafening
the cold air encumbers my deep suffering
the rain outside that continuously pouring
similar to the dreams on my mind cascading.

if i dream again of you tonight
cast your spell upon the blue sky
can i stay forever & be at your side
where i can hear angel singing sweet lullabies.

PAPURI

Talulot sa hardin ng tanang kinapal
liagaya ng lanagit na handog ng maykapal
diyata't sa palad ng lupa'y natanghal
payak na paralumang sa liwanag niluwal

kung maririnig mo masasayang awitan
sa bukal ng tubig ng mahal kong bayan
kanilang mga tinig may siglang umuusal
papuri na tunauy sa bayang mapalad

kaya nga bagaman kay tagal ng nabaon
sa limot itong kudyaping nakahon
alamat nito'y naumid na sa tagal ng panahong
pagsinta'y nilabnot sa puso kong hukot

at ngayon sa tulong nga nitong makalangit
sa awitin nila kudyapi ko'y makikisalaiw
dinggin mo't ang bawat tataginting na himig
sa paanan mo'y aking alay,taimtim kong paggiliw

Maglalakbay Hanggang Sa Hangganan

Maglalakbay Hanggang Sa Hangganan
(kolaborasyong tula:cristina casacop/jesrael rivera)


Tampok sa daigdig ang laksang bagabag
Nagnigo sa mundo ang ganid at sukab
Agay-ay ng hangin kalakip ay lumbay
Sapat upang itong hilagyo’y tumamlay

Aking tinatahak masikip na landas
Puspos ng tiisin at may pagpapagal
Maagting ang sakit sa bawat paghakbang
Pagkat mapang-uroy naglisaw sa daan

Daluhungin ako’t sa lupa’y igupo
Balighong amuki nito ngang balakyot
Kasabikan nilang mamasdang malugod
Na ako’y hilahod at humahaluyhoy

Baluktot nilang isipa’y di mataros
Lansiha’y naglipana, handang manuob
Sigawa’y lagunlong tila ba guguho
Hahapay-hapay mahihina’t maluho

Ngunit ako’y laging magpapakatatag
Hambalusin man ng sanlaksang bagabag
Pagkat gabay ay bumabalong sa Diyos
Paham man o mangmang pantay na lubos

Pagtuligsa ng huwad ay walang saysay
Hampas ng pagsubok ay hindi lalatay
Pithaya ko’y di nila kayang bawasan
Hanggana’y lalakbaying dangal ay tangan.

(August 26, 2009)

Elegy for Lorie

Elegy for Lorie






















Music:Bitter Irony (meljun,Jayar Enriquez)
Words: Jesrael rivera


with all the pain,now its gone

will the old scars heals alone

dreams are thaw,soaked and drowned

are there butterflies flew for once more.

(refrain)

& thou you believe,our story never ends will meet at the crossroads again

and in this eve,i'll hold my tears



so,,(boy dont cry)

(chorus)

know this the words you always said

still lingers here in my head

and as the billows come and fade

i hope he take this song on your place.



i turned my back,i leave your bed

that scattered in roses of red

marks are done,lonely goodbye's

i bid this time this farewell to you



& i believe,this story must now end

forget about those crossroads we have

& in this eve,i'll hold my tears



so,,(i won't cry)



(repeat chorus)


and all this goodbye's that runs on my mind
i need to pass on you
even if it's hard to say
this tale close this time,
the embers had died
with each passing ways



If there's such a way

we're all find our ways






--ito ay isinulat ko alay sa dati kong kaklase noong high school ako. balak ko sanang magkaroon kami ng reunion pero nalaman ko na lang na kung sakaling magkakaroon man ng reunion kaming magkakaklase ay hindi na pala sya makakarating dahilan sa sya ay pumanaw na.
(sa sususnod ko na po ilalagay ang Mp3 files nito dito thanks!)

Sa iyong kaarawan

Ang araw sa silangan may dalang mga ngiti

sa kanyang pag akyat sa langit na mithi

liwanag niyang isinasaboy may himig bunyi

silahis ng pag-asa magiliw sa pagdampi

sa kasiyahang sa ngayon ay maingat na hinahabi



kaya naman ng ang aming kamalayan ay magising

nadinig namin ang pag-awit ng hangin sa papawirin

bulaklak nagpupugay, ang iba'y naglalambing

may buntong-hiningang kay sarap dinggin

sa dibdib idinadalit, salamat ama namin!



ang araw na ito ay siyang kaarawan

ng aming kapatid sa bayang mahal

dalangin ko kay bathalang patuloy syang ingatan

sa kanyang kalooba'y manatiling nananangan

ang dalisay na pag-ibig sa lupang sinilangan.



ang tulang ito'y iniaalay ko sa iyo kapatid

kapatid kong reya,kapatid ko sa panalig

na lubos tagumpay ay atin ding kakamtin

at pamuli mababantog inang bayan at lipi

marapat lang sa tawag na maharlikang turing


--ang tulang ito ay alay ko sa kaarawan ng kapatid na reya.

Isang Bangkay

(kabanata XXIII EL fili)












sa aba nitong sinawi ng tadhanang anong lupit

sa pagdaramdam na tunay sa sigwang kahindik-hindik

timping sigaw di maawat nanulas na nga sa bibig

palahaw sa katunayan nakahahambal sa dinig.



wari'y hudyat nitong lagim papawirin ay nagdilim

lupa'y lubos nanaghoy,ang ulap ay nahahapis

ang kawawang kaluluwa sa pagpupuyos ng dibdib

doon sa lupa napako ang nanlalabong paningin.



lugmok ang kaniyang balikat, walang tuto kung lumakad

sinugod ang mararahas na tikatik ng ulanan

sa mga mata nya'y nagbatis ang 'sanglibong kalungkutan

himutok ibinubunton sa hangin at sa kawalan



sidhing sakit o bakit nga pinangyari ang ganito

palad na kalunos-lunos ang sa kanya'y pinatamo

daigdig niyang sa ngayon ay naroroon sa lundo

ng kahapisang malabis sa mithiin niyang bigo.



lipos noon ng pag-ibig ng adhika't ng pag-asa

yaong pamumuhay niya at ng kanyang minumutya

ng biglaang dumaluyong ang mala-buhawing luha

tinangay anmg magsing-irog landas nila'y pinag-iba.



naglagalag na may poot,sumumpang mag-hihiganti

at iligtas aknyang liyag doon sa pamimighati

kahit pa ang kabulukan kung hingin na pasamain

walang kurap na gagawin, tagumpay lang ay makamit.



ngunit anong kabuluhan magpakasakit mang lubha

anhin pa ang ihahandog na tagumpay na paglaya

kung ang aalayan nama'y ang bangkay ng iyong sinta

kasabihan nga'y totoo hayag nga sa kanyang mata.

Ang 3 anak ni marya

Ang 3 anak ni marya
ni jesrael rivera


Si fe na panganay ni aling marya
sa edad na disesyete,kaakit-akit sa ganda
mala-anghel ang mukhang nakakahalina
at mahubog ang katawang pang modelo't pang artista
itong si fe pag gabi'y sumapit na
sa may kanto ng ermita doon makikita
mabiling-mabili sa mga lalaking nagnanasa
sa kanyang alindog at hatid na ligaya.

kinse-años si buboy ng maging batikan
na runner ng droga sa bawat paaraalan
mapaging guro o estudyante,inaalukan
ng tinda niyang panira ng isip at katawan
isang araw ng nagtutulak si buboy sa daan
di niya namalayang sya pala'y iniispatan
nabigla ng damputin at kaladkarin ng parak
kalaboso itong si buboy sa kulungan bumagsak.

si estong na dose-años at snatcher ng maynila
bata-bata ng mga naglipanang pulis timawa
sa bawat kanyang napupuslit, mayroong nahihita
mga buayang kasabwat ng kanyang masamang gawa
sa gabi si estong rugby boy sa may luneta
rugby pinagsasaluhan,sinisinghot ng sagana
sa ganitong paraan kahit paano gumiginhawa
naiibsan ang gutom ng kumakalam na sikmura.

The man in the nightmare

The man in the nightmare




Unto the dark corner sit a loner.
in his face reflect dysphoria
with heavy thoughts in his mind.

beside him, the wall are full of sobbing.
drowned in tears by ruin dreams
flayed skin cause by the cruel rain.
the nightmare of the time

INakupoOOOO

may lunas na raw sa ating bayang namemeligro
kung maisasakatuparan itong plano ng pangulo
mga panukala niya, tiyak daw na babago
at magsasaayos sa ating gobyerno



pero bakit marami ang nagrereklamo
hindi lang iisa ang nakitang nag-alburuto
mga tao'y nagkalat; protesta doon,protesta rito
sigaw nila"pigilan,ang balak ng pangulo".

e paano ang palasyo mayroon palang hidden agenda
ang nilulutong plano, obvious na sa masa
ang plan pag naisulong, nayari at naipasa
termino'y extended, termino nya'y mapapahaba

sus ginoo naman! di pa ba nagsawa?
si madame balak pa atang dumagdag sa problema
eto at tambakan pa nga ang suliranin ng madla
sa dami ating bayan halos di na makahinga.

Over again

Music by rogelio enricuez

Lyrics by jesrael rivera






Memories that clings in my head

Your name that is deeply etched

In my heart (2x,)

It’s so sad

Slowly now I wander this place

Tears again are rolled in my face

It’s so hard,

To accept all in vain

So here i am I couldn’t breathe

Feels like the walls are crushing in,

Should I find a place or should i find a space to take me free

Should I wait another dream to take away my misery?

This tragedy

Because

Of you.

(CHORUS)

And I still try to watch you, over and over again

And I still try to hold on you over and over again.

Realize why we all ends here

This situation that you torn ,i fear

Keep me bending and bend

Till i break.

Losing all my insanity

Shut the door in my room to feel

All the pain (pain),

All bymyself.


--mp3 files to be posted soon

ELEHIYA

Elehiya





















Umaga ng itong aking diwa'y magising
sa mapanglaw na ihip ng lagalag na hangin
may awiting tila may taghoy na kalakip
luksa ang bumungad sa aking paningin

Nang ang sugo ng diyos ay magpahinga na
naatang sa balikat mo ang tungkuling dakila
tumawag ng mga hinirang sa mga wakas ng lupa't
maligtas sila sa araw ng kapootan ng ama

pinagsumikapan mo na iyong matupad
tungkuling bigay ng ama nating mahal
kahit hanggang sa sukdulan ng taglay mong lakas
pamunuan itong kawan ay di ka naglikat.

marapat ka lamang sa aming gunita
alalahanin yaong iyong mga nagawa
ng sa bawat hakbang nami'y di maligaw ang paa
makasunod kami tungo sa kaligtasang sadya.

muli paalam kapatid naming mahal
itong lupang ito'y di na rin magtatagal
bayang banal mamasdan sa kanyang dingal
kapayapaan at ang pangako'y atin doong kakamtan.


--tulang alay ko sa pamamayapa ng kapatid na eraño manalo. paalam kapatid