laging nag-aabang sa mga tawag mo nalilipasan ng idlip kakaisip sa yo
madalas naghihintay ng pagbabalik mo
maghapon-magdamag nananabik sa iyo.
kumain ng kaunti,natulog sa lungkot
ang pusong itong ayaw na atang tumibok
nangangarap balang araw ay magkakatotoo
ang pag-asang makasama kang muli sa piling ko
subalit naglahong kaybilis ng lahat
tila nalusaw bigla itong aking asam
di ko na sa iyo ngayon maramdaman
ang pangako mong sa aki'y inilalaan.
dahil ba sa libong layo ng ating pagitan
heto at nalimot mong ako ay naghihintay?
magbabakasakali pa ba sa walang kabuluhan
ang istoryang nagtatapos lang sa kawalang saysay?
pinaglalabanan itong aking pag-aalinlangan
sa sariling nilulunod sa agos ng lumbay.
doon sa bintana'y nakatanaw ng walang katuturan
marapat bang ipagpatuloy pa ang pag-aantabay
No comments:
Post a Comment