Hukot na aninong nagdadalamhati
Sa banig ng lagim,lugmok at lugami
diwa'y nagpupuyos,puso'y humihikbi
aking kapanglawan nagnigong kay sidhi
Luha,dugo't hirap doon sa kalbaryo
kaunting dupilas ay nasa peligro
palahaw ko'y dinig hanggang sa ibayo
dulo ng daigdig ang sukat ng layo
sa hapdi ng sugat 'di na makatagal
ako'y nanawagan sa ating maykapal
nagsumamong lubos ako'y nanambitan
kahabagan nawa itong napapagal
at ang kanyang habag na di kumukupas
'di ako binigo't ako'y tinulungan
No comments:
Post a Comment